Miko Turns 3!

September 10, 2015

3 years old na ang aming unica hija. Ambilis ng panahon. And sad to say hindi pa rin kami magkakasama nila Basuraman. Pero konting tiis pa. Konting kembot na lang. Since weekday ang September 10 e ginanap ang birthday party ng September 12 (Saturday).

Umuwi si Basuraman ng Pinas para sa celebration ng birthday ni Miko. Gusto kasi namin na kahit isa man lang sa amin ni Basuraman e physically present sa birthday ni Miko. Since umuwi ako nung pasko sa Pinas turn naman ngayon ni Basuraman.

Base sa mga pictures and kwento e mukhang na-enjoy naman ng anak ko yung party niya. Ang hilig sa party. Kanino kaya nagmana? Ahmmmmm..... Malamang sa tatay niya. (~_^)V

At dahil mainit sa Pinas e 'hulas pa more' ang peg ng itsura ng aking anak. Partida dahil may nakatutok pang electric fan sa kanya nyan.

Party partei!

Miko with her cousin Alisa

Daddy and Miko

Nagpapasalamat ako unang-una kay Lord for giving Miko to us. Maraming salamat dahil patuloy Niyang ginagabayan at inaalagaan ang aming pamilya. Sa mga tao na tumulong para maging successful ang birthday party ni Miko. My daughter's happiness is my happiness as well.

To God be the glory.

Miko Turns 2!

I know I know... Anong petsa na. February 2015 na pero yung post ko e pang September 2014. Ang motto ko kasi sa buhay e "Better late than latererererererer."

September 10 ang birthday ni Miko pero ginanap ang party nung September 13 (Saturday). Nakakalungkot mang isipin na pareho kaming wala sa Pinas ni Basuraman for Miko's second birthday e ganun talaga. Sacrifices. Anyways Basuraman and I decided that it will just be a smiple party. As in stapegi with flayd shiken na handa lang. Plus cake and konting balloons. Gustung-gusto kasi ni Miko ang cake. Tapos tawagin ang mga streetchildren. Parang feeding program lang. Choz! Pero seriously speaking ganun lang naman ang gusto naming handa para kay Miko. Simple pero alam naming mage-enjoy ng husto ang anak namin. Madali lang naman kasi paligayahin ang bata.

Came Saturday. Nagpost ng pictures ang ate ni Basuraman ng setup ng birthday party ni Miko. May malaking tarpaulin. May catering. May magandang cake bukod sa cupcakes na binake ng Ate Liz para kay Miko. Bigla kong kinuha yung calculator ko para mag-compute. Tapos message kagad kay Basuraman. Sobrang nagandahan ako sa setup and kinda nag-worry lang ng konti kasi parang hindi kasya yung pinadala namin for Miko's party. Anyways I'm very thankful and super happy sa family ni Basuraman for everything (time, effort, etc.) para maging masaya at successful ang party ni Miko. Kitang-kita naman sa pictures na ansaya-saya ng anak ko.

Sugar Overload!

Miko with Ate Leng, her kumare Jillian and Ninang Elotte ^_^

Estimating her bisitas. Estimate talaga!

Pakihanap ang gangster kong anak.

With Alisa. Ang nag-iisa niyang pinsan sa side namin.

Our latest family pic.

Sa third birthday ni Miko mas konti ang handa and mas konti ang bisita. Pero magkakasama na kaming tatlo ^_^ Aja!